SÉRREGLUR Brekkuspretts 2024

GREIN 1 KEPPNIN

1.1 Keppnin heitir Brekkusprettur 2024

1.2 Keppnin er haldin samkvæmt Reglubók FIA ásamt viðaukum hennar, keppnisgreinarreglum fyrir brekkuklifur (Hill Climb) https://reglur.akis.is/Codes/85/View og þessum sérreglum.

1.3 Keppnin fer fram á Hlíðarfjallsvegi á Akureyri þann 13. júní 2024.

1.4 Keppninni verður ekki frestað nema til komi Force Majeure aðstæður.

1.5 Keppnina má fella niður berist ekki að minnsta kosti 15 skráningar.

GREIN 2 KEPPNISHALDARI

2.1 Keppnishaldarar eru Kvartmíluklúbburinn (KK) og Bílaklúbbur Akureyrar (BA).

GREIN 3 FRAMKVÆMDANEFND

3.1 Framkvæmdanefnd skipa Hrefna Waage, Ásta Andrésdóttir,  Baldvin Hansson og Ingimundur Helgason.

3.2 Framkvæmdanefnd er til heimilis í félagshúsnæði Kvartmíluklúbbsins í Hafnarfirði.

GREIN 4 KEPPNISSVÆÐIÐ

GREIN 4.1 LEIÐIN

4.1.1 Leiðin er um það bil 2600 metra löng.

4.1.2 Akstursleiðin:

4.1.2.a liggur frá um það bil 65.669319, -18.169606 til um það bil 65.661027, -18.211701.

4.1.2.b er 2,6 km leið með um það bil 260 metra hækkun, frá 220 metrum yfir sjávarmáli að 480 metrum yfir sjávarmáli.

4.1.3 Heildar meðalhalli leiðarinnar er um það bil 10% (hlutfallið á milli hæðarmismunar frá upphafi til enda og heildar vegalengdar).

4.1.4 Leiðin er að lágmarki 5 metra breið en getur á hluta leiðarinnar verið tekin niður í 4 metra.

4.1.5 Leiðin er klædd bundnu slitlagi.

GREIN 4.2 PITTURINN

4.2.1 Pittstjóri stýrir aðgangi að pitti, niðurröðun og öðru sem þurfa þykir á pittsvæði.

GREIN 4.3 PARC FERMÉ

4.3.1 Parc Fermé er staðsett við pittsvæði, afmarkað með rauðum keilum.
4.3.1.a Parc Fermé reglur gilda einnig á söfnunarsvæði ökutækja við enda leiðarinnar með þeirri undantekningu að ökumönnum er heimilt að sitja í ökutækinu þar.

4.3.2 Ökutæki skal ekið af ökumanni þess beint í Parc Fermé þegar síðustu ferð lýkur.
4.3.2.a Sé ökutæki ekki akfært verður ökutækið fært í Parc Fermé með aðstoð keppnishaldara.

4.3.3 Ökutæki skulu vera í Parc Fermé í að minnsta kosti 30 mínútur eftir birtingu bráðabirgðaúrslita eða þar til dómnefnd ákveður að þau megi yfirgefa svæðið.

4.3.4 Viðgerðir og eldsneytisáfylling eru ekki heimilar í Parc Fermé.

GREIN 5 FLOKKUN OG ÚTBÚNAÐUR ÖKUTÆKJA

5.1 KEPPNISFLOKKAR

5.1.1 Keppt verður í þeim flokkum ökutækja sem í boði eru samkvæmt keppnisgreinareglum, berist að minnsta kosti 3 skráningar í viðkomandi flokk.
5.1.1.a Keppnisstjóra er heimilt að keyra marga flokka samtímis.

5.1.2 Ökutæki sem standast öll skilyrði þess flokks sem þau eru skráð í eru gjaldgeng í keppninni.

GREIN 6 SKRÁNING

6.1 Hámarksfjöldi skráninga er 30 og gildir þar reglan fyrstur kemur, fyrstur fær.

6.2 Skráning fer fram í gegnum rafrænt skráningarform á vef AKÍS.

6.3 Skráning hefst þegar opnað hefur verið fyrir skráningar á vefnum www.akis.is.

6.4 Skráningu lýkur þann 11. júní 2024 klukkan 17:00.

6.5 Skráningar handhafa erlendra keppnisskírteina eru samþykktar í þessari keppni.

6.6 Skráningargjald er kr. 12.000 og felur það í sér:
6.6.a þátttökurétt í keppninni;
6.6.b keppnisskírteini keppanda og ökumanns útgefið af AKÍS, ef við á.

6.7 Ökumenn skulu hafa náð 18 ára aldri á keppnisdegi.

6.8 Sé hámarksfjölda skráninga náð er biðlisti í skráningarröð þannig að falli einn keppandi út fær 31. skráning keppnisrétt. Nýti viðkomandi sér hann ekki þegar hann fær boð um það er farið í 32. skráningu og svo koll af kolli.

GREIN 7 TRYGGINGAR

7.1 Öll skráningarskyld ökutæki sem þátt taka í keppninni skulu hafa gilda frjálsa ábyrgðartryggingu (keppnisviðauki fyrir kappakstur við venjulega tryggingu).

7.2 Óskráð ökutæki eru ábyrgðartryggð á vegum keppnishaldara.

7.3 Ökumenn slysatryggja sig á eigin vegum og forsendum eftir því sem þeim sjálfum þykir ástæða til.

GREIN 8 KEPPNIS- OG ÖKUSKÍRTEINI

8.1 Ökumenn skulu hafa gild ökuréttindi í að minnsta kosti flokki B samkvæmt reglugerð Samgöngustofu um ökuskírteini nr. 830/2011 með áorðnum breytingum.
8.1.a Hafi ökumaður aldrei tekið bílpróf er framkvæmdanefnd heimilt, en ekki skylt, að veita undanþágu frá þessu ákvæði eins og reglur AKÍS eða landslög og reglur leyfa.

8.2 Ökumenn skulu framvísa gildu ökuskírteini í samræmi við grein 8.1 við mætingu á keppnisstað.

8.3 Keppendur og ökumenn skulu kynna sér ákvæði Reglubókar FIA varðandi nauðsynleg keppnisskírteini til þátttöku í akstursíþróttakeppni sem þessari.
8.3.a Gildri skráningu fylgir rafræn útgáfa viðeigandi keppnisskírteina keppanda og ökumanns frá AKÍS og þurfa þeir því ekki að framvísa þessum keppnisskírteinum sérstaklega.

GREIN 9 MERKINGAR ÖKUTÆKJA

9.1 Keppnisnúmeri keppanda er úthlutað af keppnishaldara.
9.1.a Hafi keppandi fengið keppnisnúmeri úthlutað af AKÍS verður það númer notað af keppnishaldara ef keppandi óskar eftir því við skráningu.

9.2 Keppnisnúmer skal vera staðsett á öllum fjórum hliðum ökutækis og skal það vera:
9.2.a í Pantone 803 C lit, eða því sem næst;
9.2.b í Arial Narrow Bold letri, eða því sem næst, með hefðbundnu hlutfalli hæðar og víddar hvers tölustafs;
9.2.c í framrúðu, farþegamegin að ofanverðu, lágmark 15 cm að hæð;
9.2.d í hliðarrúðum að aftan, hægra- og vinstra megin, lágmark 20 cm að hæð;
9.2.e í afturrúðu, bílstjóramegin að ofanverðu, lágmark 15 cm að hæð.

9.3 Keppendum er sjálfum ætlað að útvega sér og ganga frá keppnisnúmeramerkingu hvers ökutækis.

9.4 Um auglýsingar á ökutækjum gilda reglur AKÍS, Reglubókar FIA og reglur og lög landsins.

9.5 Keppnishaldara er heimilt að setja auglýsingu undir hliðarrúðu á báðum framhurðum ökutækis sem er allt að 25 cm há og allt að jafn breið og hurðin.

9.6 Heimilt er að setja auglýsingaborða efst á framrúðu. Hann má þó ekki vera hærri en svo að ökumaður haldi óskertu og öruggu útsýni til aksturs.

GREIN 10 TÍMATÖKUVIÐMIÐ

10.1 Öll ökutæki tímamælast með geisla.

10.2 Það er á ábyrgð keppanda að tryggja að tímatökugeislar við rás- og endamark skynji ökutækið með áreiðanlegum hætti á meðan á keppni stendur.

GREIN 11 RÆSING

GREIN 11.1 ALMENNT

11.1.1 Öll ökutæki sem skráð eru til keppni og standast keppnisskoðun fá að ræsa.

GREIN 11.2 TÍMASETNINGAR OG HÖGUN

11.2.1 Ræsing fer fram á eftirfarandi tímum og með tilgreindri högun:
11.2.1.a Ræsing æfingaferða klukkan 19:00. Ræst úr kyrrstöðu.
11.2.1.b Ræsing fyrri keppnislotu klukkan 20:00. Ræst úr kyrrstöðu.
11.2.1.c Ræsing seinni keppnislotu klukkan 21:00. Ræst úr kyrrstöðu.

GREIN 11.3 RÖÐ OG AFSTAÐA ÖKUTÆKJA VIÐ RÆSINGU

11.3.1 Keppnisstjóri ákveður röð ökutækja við ræsingu og skal birta rásröð á upplýsingatöflu fyrir fyrstu ferð keppninnar.

11.3.2 Ræsir ákveður nákvæma afstöðu og staðsetningu ökutækis fyrir ræsingu og segir ökumanni til um hana.

11.3.3 Vél ökutækja skal í öllum tilfellum vera í gangi við ræsingu.

GREIN 12 SKYLDUR KEPPENDA OG ÖKUMANNA

12.1 Keppendur og allir ökumenn skulu mæta á keppendafund á þeim tíma sem auglýstur er í dagskrá og sitja hann allan.
12.1.a Sé keppandi og/eða ökumaður ekki á fundinum getur keppnisstjóri vísað viðkomandi úr keppni.

12.2 Keppendur og ökumenn skulu þekkja og virða reglur um merkjagjöf í viðauka H við Reglubók FIA, grein 2.5.

12.3 Upplýsingatafla keppninnar er rafræn á vefnum. Hún er aðgengileg á slóðinni https://nn.is/z6NTs - Þar birtast allar tilkynningar til keppenda og ökumanna, ákvarðanir dómnefndar og annað sem skylt er, eða þarft, að miðla til allra sem mál varða þar til keppni lýkur.

12.4 Keppendur eru minntir á rétt sinn til að leggja fram kærur samkvæmt Reglubók FIA, grein 13.
12.4.a Kærugjald og annar kostnaður því tengt ræðst af gjaldskrá AKÍS sem er aðgengileg á vef AKÍS.

12.5 Keppendum og ökumönnum er ætlað að þekkja og virða:
12.5.a Siðareglur AKÍS fyrir samfélagsmiðla;
12.5.b Reglur AKÍS um dróna.

GREIN 13 ÚRSLIT

13.1 Úrslit ákvarðast samkvæmt keppnisgreinarreglum fyrir brekkuklifur.

13.2 Engin forgjöf er veitt keppendum í þessari keppni.

13.3 Bráðabirgðaúrslit eru birt á upplýsingatöflu keppninnar um leið og tímatökulið hefur tekið þau saman og búið til birtingar.

13.3.1 Áætlað er að birting verði kl. 22:00.

13.4 Lokaúrslit eru birt á upplýsingatöflu keppninnar þegar dómnefnd hefur lokið störfum.

GREIN 14 VERÐLAUN

14.1 Verðlaun verða veitt fyrir 1., 2. og 3. sæti í lokaúrslitum í hverjum eknum flokki.

14.2 Áætlað er að verðlaun verði afhent á keppnisstað klukkan 22:00.

14.3 Verðlaun veitt samkvæmt bráðabirgðaúrslitum eru veitt með þeim fyrirvara að ökumenn og keppendur geti þurft að skila þeim verði breyting á úrslitum við birtingu lokaúrslita.
14.3.a Ökumenn og keppendur samþykkja að skila án tafar og eftirmála öllum verðlaunum sem afhent eru byggð á bráðabirgðaúrslitum breytist sæti þeirra í lokaúrslitum.

GREIN 15 EMBÆTTISMENN OG STARFSMENN

GREIN 15.1 DÓMNEFND

15.1.1 Dómnefnd skipa Einar Gunnlaugsson, sem jafnframt er formaður hennar, Brynjar Schiöth og Jóhann Tryggvi Unnsteinsson.

GREIN 15.2 HELSTU STARFSMENN

15.2.1 Keppnis- og brautarstjóri er Baldvin Hansson.

15.2.2 Skoðunarmaður er Helgi Garðarsson.

15.2.3 Öryggisfulltrúi er Hrefna Björg Waage Björnsdóttir.

15.2.4 Sjúkrafulltrúi er ekki skipaður sérstaklega fyrir þessa keppni þar sem gert er ráð fyrir að kalla til sjúkrabíl komi upp atvik sem krefjast sérhæfðrar sjúkra- eða læknisaðstoðar við keppendur, ökumenn, starfsfólk eða áhorfendur.
15.2.4.a Almenn verkefni sem telja mætti eðlilegt að sjúkrafulltrúi annaðist falla undir öryggisfulltrúa.

15.2.5 Umhverfisfulltrúi er ekki skipaður sérstaklega fyrir þessa keppni. Allir starfsmenn keppninnar hjálpast að við að sinna hlutverki hans.

GREIN 15.3 HLUTVERK UMHVERFISFULLTRÚA

15.3.1 Hlutverk umhverfisfulltrúa er að tryggja eftir fremsta megni að umgegni á keppnissvæðinu sé til fyrirmyndar og í samræmi við gildandi lög og reglur.

GREIN 15.4 STAÐREYNDADÓMARAR

15.4.1 Nöfn og staða staðreyndadómara verða birt á upplýsingatöflu keppninnar.

16 RAFRÆNN BÚNAÐUR

16.1 Í stað leiðarvarða með flögg er keppnishaldara heimilt að notast við ljósabúnað. Við leiðina verða þá ljós sem lýsa engu/grænu, gulu eða rauðu eftir atvikum.

16.1.1 Merking ljósanna er sambærileg merkingu flagga:
16.1.1.a grænt ljós blikkar þegar leiðin er hrein og akstur ótakmarkaður. Hafi grænt ljós logað lengur en 30 sekúndur verður það logandi stöðugt grænt. Ljósapóstur sem ekki lýsir er ígildi græns ljóss á þeim pósti;
16.1.1.b gult ljós blikkar þegar hætta er í leiðinni og ber að virða það samkvæmt reglum;
16.1.1.c rautt ljós blikkar þegar keppni hefur verið stöðvuð og ber að virða samkvæmt reglum.

16.2 Flögg leiðarvarða hafa alltaf forgang yfir ljósabúnað og ber að fylgja flöggum ef þau eru sýnd á sama tíma og ljósabúnaður logar.

17 KEPPNISFLOKKAR

17.1 Ökutæki sem tilheyra eftirfarandi flokkum keppnisgreina innan AKÍS eru gild í keppnina.

17.1.1 Drift
17.1.1.a Opinn flokkur

17.1.2 Kappakstur
17.1.2.a Formula 1000
17.1.2.b Standard 1000
17.1.2.c Kappakstursbílaflokkur

17.1.3 Rally
17.1.3.a Flokkur A
17.1.3.b Flokkur C
17.1.3.c Flokkur E
17.1.3.d Flokkur J, aðrir en T4 (þ.e. T1, T2, T3 og TO)

17.1.4 Rallycross
17.1.4.a Standard 1000 flokkur
17.1.4.b 1400 flokkur
17.1.4.c 2000 flokkur
17.1.4.d 4x4 Non Turbo
17.1.4.e Opinn flokkur

17.1.5 Spyrna
17.1.5.a Ökutæki sem búin eru öryggisbúri 8,5 sek
17.1.5.b Ökutæki sem búin eru öryggisbúri skv. SFI staðli

17.1.6 Tímaat
17.1.6.a Hot Wheels TURBO flokkur
17.1.6.b Opinn flokkur fjöldaframleiddra bíla
17.1.6.c Opinn flokkur  kappakstursbíla

17.1.7 Torfæra
17.1.7.a Sérútbúnir bílar
17.1.7.b Sérútbúnir götubílar
17.1.7.c Götubílar

17.2 Keppt verður í eftirtöldum flokkum ökutækja:

17.2.1 Flokkur A - rúmtak vélar 1000cc og undir
17.2.2 Flokkur B - rúmtak vélar 1001cc til 2000cc
17.2.3 Flokkur C - rúmtak vélar 2001cc til 4000cc
17.2.4 Flokkur D - rúmtak vélar 4001cc og yfir
17.2.5 Flokkur E - sérsmíðaðir kappakstursbílar

17.3 Fyrir flokka sbr. greinar 17.2.1 til 17.2.4 gildir að rúmtak vélar skal margfaldað með stuðlinum 1,7 ef notast er við hvers kyns forþjöppu (sama gildir um Wankel).

17.4 Nítró er ekki leyfilegt sem aflauki.