SÉRREGLUR Vélsmiðju Suðurlands Torfæran Íslandsmeistaramót - 2.umferð

Bikarmót í Torfæru - 1 umferð

GREIN 1 KEPPNIN

1.1 Keppnin heitir Vélsmiðju Suðurlands Torfæran og er 2. umferð Íslandsmótsins í Torfæru og 1. umferð bikarmótsins í Torfæru 2026.

1.2 Keppnin er haldin samkvæmt Reglubók FIA ásamt viðaukum hennar, keppnisgreinarreglum AKÍS fyrir torfæru og þessum sérreglum.

1.3 Keppnin fer fram í Torfærugryfjum í Stangarhyl við Laugarvatnsveg þann 30. maí 2026 kl: 10:00.

1.4 Keppninni verður ekki frestað nema til komi Force Majeure aðstæður.

1.5 Keppnin verður felld niður berist ekki að minnsta kosti 5 skráningar.

1.5.1 Aðeins er keppt í keppnisflokkum sem 3 skráningar eða fleiri berast fyrir.

GREIN 2 KEPPNISHALDARI

2.1 Keppnishaldari er Torfæruklúbburinn, til heimilis að Heiðargerði 4, Selfossi.

GREIN 3 FRAMKVÆMDANEFND

3.1 Framkvæmdanefnd skipa Sigurður Ingi Sigurðsson, Heiða Björg Jónasdóttir, Þórir Már Ingvason og Helga Katrín Stefánsdóttir.

3.2 Framkvæmdanefnd er til heimilis Heiðargerði 4, Selfossi. Netfang torfaeruklubburinn@gmail.com

GREIN 4 KEPPNISSVÆÐIÐ

GREIN 4.1 BRAUTIN

4.1.1 Þrautirnar liggja um lokað akstursvæði sem hæfir þeim flokkum sem keppt verður í og þeim ökutækjum sem heimil er þátttaka í keppninni. 

4.1.1.a Ekki er um gerðarvottað keppnissvæði að ræða.

4.1.2 Þrautirnar eru 6 í hverjum flokki hver 30 - 700 metra löng en þó getur það verið breytilegt á milli flokka. 

GREIN 4.2 PARC FERMÉ

4.2.1 Allt pittsvæðið telst Parc Fermé.

4.2.1.a Viðgerðir eru leyfðar og öllum er frjálst að vera í kringum keppnistæki í Parc Fermé.

4.2.2 Ökutæki sem ræsir í síðustu þraut skal keyra í Parc Fermé eftir að hafa lokið akstri. 

4.2.2.a Sé ökutæki ekki ökuhæfu ástandi skal það flutt í Parc Fermé af keppnishaldara. 

4.2.3. Ökutæki skulu vera í Parc Fermé að loknum akstri síðustu þrautar þar til dómnefnd ákveður að þau megi yfirgefa svæðið eða staðfest úrslit eru birt.   

GREIN 5 FLOKKUN OG ÚTBÚNAÐUR ÖKUTÆKJA

5.1 KEPPNISFLOKKAR

5.1.1 Keppt verður í eftirtöldum flokkum ökutækja sem hæfa þeim þrautum sem eknar verða:

5.1.1.a Götubílar - Street Legal
5.1.1.b Sérútbúnir - Unlimited
5.1.1.c Sérútbúnir götubílar - Modified
5.1.2. Ökutæki sem standast öll skilyrði þess flokks sem þau eru skráð í eru gjaldgeng í keppninni. 

GREIN 6 SKRÁNING

6.1 Skráning fer fram í gegnum rafrænt skráningarform á vef AKÍS.

6.2 Skráning hefst þegar opnað hefur verið fyrir skráningar á vefnum www.akis.is.

6.3 Skráningu lýkur þann 22. maí 2026 kl. 17:00:.

6.4 Skráningar handhafa erlendra keppnisskírteina eru samþykktar í þessari keppni.

6.5 Almennt keppnisgjald (skráningargjald) er kr. 12000 og felur það í sér:

6.5.1 þátttökurétt í keppninni;

6.5.2 keppnisskírteini keppanda og ökumanns útgefið af AKÍS.

GREIN 7 TRYGGINGAR

7.1 Öll ökutæki sem þátt taka í keppninni skulu hafa gilda frjálsa ábyrgðartryggingu.

7.2 Ökumenn slysatryggja sig á eigin vegum og forsendum eftir því sem þeim sjálfum þykir ástæða til.

GREIN 8 KEPPNIS- OG ÖKUSKÍRTEINI

8.1 Ökumenn skulu hafa gild ökuréttindi í að minnsta kosti flokki B samkvæmt reglugerð Samgöngustofu um ökuskírteini nr. 830/2011.

8.1.1 Hafi ökumaður ekki náð bílprófsaldri er heimilt að veita undanþágu frá þessu ákvæði eins og landslög og reglur leyfa. 

8.2. Ökumenn skulu framvísa gildu ökuskírteini í samræmi við grein 8.1 við mætingu á keppnisstað.  

8.3 Keppendur og ökumenn skulu kynna sér reglur Reglubókar FIA varðandi nauðsynleg keppnisskírteini til þátttöku í akstursíþróttakeppni sem þessari.

8.3.1 Gildri skráningu fylgir rafræn útgáfa viðeigandi keppnisskírteina keppanda og ökumanns frá AKÍS og þurfa þeir því ekki að framvísa þessum keppnisskírteinum sérstaklega.

GREIN 9 MERKINGAR ÖKUTÆKJA

GREIN 9.1 KEPPNISNÚMER

9.1 Keppandi skal merkja ökutæki sitt sjálfur í samræmi við grein 7.1 í Keppnisgreinareglum AKÍS fyrir torfæru (sjá nánar á slóðinni https://reglur.akis.is/Codes/Torf%C3%A6ra/View

9.2 Um auglýsingar á ökutæki gilda reglur AKÍS og reglur og lög landsins. 

GREIN 10 RÆSING

GREIN 10.1 ALMENNT

10.1.1 Ökutæki skráð til keppni fær að ræsa hafi það staðist keppnisskoðun.

GREIN 10.2 TÍMASETNINGAR OG HÖGUN

10.2.1 Ökutæki skulu tilbúin í keppni í rásröð kl 9:55.

10.2.1.a Fyrsti ökutæki er ræstr kl 10:00.

10.2.2. Ræst er úr kyrrstöðu.

GREIN 10.3 RÖÐ OG AFSTAÐA ÖKUTÆKJA VIÐ RÆSINGU

10.3.1 Ökutæki keyra eftir þeirri rásröð sem dregin er af keppnishaldara og birt á upplýsingartöflunni. 

10.3.2 Röð ökutækja ræðst af grein 4.1 um rásröð í keppnisgreinagreglum AKÍS fyrir torfæru. 

10.3.2.a Flokkar eru keyrðir í þessari röð: 1 - götubílar, 2 - sérútbúnir bílar og sérútbúnir götubílar blandað í rásröð. 

10.3.2. Vél ökutækja skal í öllum tilfellum vera í gangi við ræsingu. 

GREIN 11 SKYLDUR KEPPENDA OG ÖKUMANNA

11.1 Keppendur og allir ökumenn skulu mæta á keppendafund á þeim tíma sem auglýstur er í dagskrá eða á upplýsingartöflunni og sitja hann allan.

11.1.a Sé keppandi og/eða ökumaður ekki á fundinum getur keppnisstjóri vísað viðkomandi úr keppni.

11.2 Upplýsingatafla keppninnar er rafræn á vefnum, http://nn.is/a2P9H.

11.2.1 Þar birtast allar tilkynningar til keppenda og ökumanna, ákvarðanir dómnefndar og annað sem skylt er, eða þarft, að miðla til þeirra.

11.3 Keppendur eru minntir á rétt sinn til að leggja fram kærur samkvæmt Reglubók FIA, grein 13.

11.4 Keppendum og ökumönnum er sérstaklega bent á að þekkja og virða:

11.4.1.Siðareglur AKÍS fyrir samfélagsmiðla.

11.4.2 Reglur AKÍS um dróna. 

GREIN 12 ÚRSLIT

12.1 Úrslit ákvarðast samkvæmt keppnisgreinarreglum AKÍS um Torfæra.

12.2 Engin forgjöf er veitt keppendum í þessari keppni.

12.3 Bráðabirgðaúrslit eru birt á upplýsingatöflu keppninnar kl. 16:30 , laugardaginn 30. maí 2026

12.4  Dómnefnd birtir lokaúrslit keppninnar á upplýsingartöflunni.

GREIN 13 VERÐLAUN

13.1 Verðlaun verða veitt í öllum flokkum fyrir 1., 2. og 3. sæti í lokaúrslitum.

GREIN 14 EMBÆTTISMENN OG STARFSMENN

GREIN 14.1 DÓMNEFND

14.1.1 Dómnefnd skipa Aðalsteinn Símonarson, sem jafnframt er formaður hennar, Benedikt Óskar Ásgeirsson og Sigfús Þór Sigurðsson.

GREIN 14.2 HELSTU STARFSMENN

14.2.1 Keppnisstjóri er Jóhann Daði Pálmason.

14.2.2 Brautarstjóri Ólafur Björnsson

14.2.3 Skoðunarmaður er Þorvaldur Björn Matthíasson

14.2.4 Öryggisfulltrúi er Ari Halldór Hjaltason.

14.2.5 Ráslínudómari er Reynir Örn Helgason

14.2.6 Sjúkrafulltrúi er ekki skipaður sérstaklega  þar sem sjúkrabíll verður á staðnum ef upp koma atvik sem kerfjast sérhæfðar sjúkra- eða læknisaðstoða fyrir keppendur, ökumenn, starfsfólk eða áhorfendur.

14.2.7 Umhverfisfulltrúi er Sigurður Ingi Sigurðsson.

GREIN 14.8 HLUTVERK UMHVERFISFULLTRÚA

14.8.1 Hlutverk umhverfisfulltrúa er að tryggja eftir fremsta megni að umgengni á keppnissvæðinu sé til fyrirmyndar og í samræmi við gildandi lög og reglur.

GREIN 14.9 STAÐREYNDADÓMARAR

14.9.1 Nöfn og staða staðreyndadómara verða birt á upplýsingatöflu keppninnar.