Rally Reykjavík 2025

Sérreglur Rally Reykjavík 2025 -
 

GREIN 1 KEPPNIN

1.1 Keppnin heitir Rally Reykjavík.

1.2 Keppt er í Rally eins og það er skilgreint í keppnisgreinarreglum AKÍS fyrir Rally.

1.3 Keppnin fer fram á á Suðvesturlandi, Vesturlandi og Suðurlandi 15. Ágúst 2025 til 17. Ágúst 2025.

1.4 Keppnin er haldin samkvæmt Reglubók FIA ásamt viðaukum hennar, keppnisgreinarreglum AKÍS fyrir Rally og þessum sérreglum.

1.5 Keppninni verður ekki frestað nema til komi Force Majeure aðstæður.

1.6 Keppnin verður felld niður berist ekki að minnsta kosti 10 skráningar.

GREIN 2 KEPPNISHALDARI

2.1 Keppnishaldari er Bifreiðaíþróttaklúbbur Reykjavíkur

GREIN 3 FRAMKVÆMDANEFND

3.1 Framkvæmdanefnd keppninnar skipa Linda Dögg Jóhannsdóttir,Kolbrún Vignisdóttir og stjórn BÍKR.

3.2 Sími framkvæmdanefndar keppninnar er 6962520.

3.3 Netfang framkvæmdanefndar keppninnar er bikr@bikr.is .

GREIN 4 KEPPNISFLOKKAR

Keppt verður í eftirtöldum flokkum:

4.1 Heildin

4.2 Flokkur A

4.3 Flokkur C

4.4 Jeppaflokkur

4.5 Eindrif X

GREIN 6 SKRÁNING

6.1 Engin takmörk eru á fjölda ökutækja sem geta skráð sig til keppninnar.

6.2 Skráning fer eingöngu fram í gegnum rafrænt skráningarform á vef AKÍS.

6.3 Skráning hefst þegar opnað hefur verið fyrir skráningar á vefnum www.mot.akis.is .

6.4 Skráningu lýkur þann 14.Ágúst.

6.5 Skráningar handhafa erlendra keppnisskírteina eru samþykktar í þessari keppni.

6.6 Almennt keppnisgjald (skráningargjald) er kr. 35000 per ökumann

6.6.a Það skal greitt í gegnum rafræna skráningarformið á vef AKÍS um leið og skráð er til keppni.

6.6.b Innifalið í keppnisgjaldi er: 

6.6.b.i þátttökuréttur í keppninni.

6.6.b.ii keppnisskírteini keppanda og áhafnar, útgefið af AKÍS, ef við á.

GREIN 7 TRYGGINGAR

7.1 Öll ökutæki sem þátt taka í keppninni skulu hafa gilda frjálsa ábyrgðartryggingu.

7.2 Ökumenn slysatryggja sig á eigin vegum og forsendum eftir því sem þeim sjálfum þykir ástæða til.

GREIN 8 KEPPNIS- OG ÖKUSKÍRTEINI

8.1 Ökumenn skulu hafa gild ökuréttindi í að minnsta kosti flokki B samkvæmt reglugerð Samgöngustofu um ökuskírteini nr. 830/2011.

8.1.a Hafi ökumaður ekki náð bílprófsaldri er heimilt að veita undanþágu frá þessu ákvæði eins og landslög og reglur leyfa.

8.2 Ökumenn skulu framvísa gildu ökuskírteini í samræmi við grein 8.1 við mætingu á keppnisstað.

8.3 Keppendur og ökumenn skulu kynna sér reglur Reglubókar FIA varðandi nauðsynleg keppnisskírteini til þátttöku í akstursíþróttakeppni sem þessari.

8.3.a Gildri skráningu fylgir rafræn útgáfa viðeigandi keppnisskírteina keppanda og ökumanns frá AKÍS og þurfa þeir því ekki að framvísa þessum keppnisskírteinum sérstaklega.

GREIN 9 UPPLÝSINGATAFLA

9.1 Opinber upplýsingatafla keppninnar er staðsett á skráningarformi inná www.mot.akis.is

9.1.a Á þessari töflu verða birtar allar tilkynningar til keppenda og ökumanna, ákvarðanir dómnefndar og annað sem skylt er, eða þarft, að miðla til þeirra þar til keppni lýkur.

GREIN 10 SKYLDUR KEPPENDA OG ÖKUMANNA

10.1 Keppendur og að minnsta kosti einn úr hverri áhöfn skulu mæta á keppendafund á þeim tíma sem auglýstur er í dagskrá og sitja hann allan.

10.1.a Sé keppandi og/eða ökumaður ekki á fundinum getur keppnisstjóri vísað viðkomandi úr keppni.

10.4 Keppendur eru minntir á rétt sinn til að leggja fram kærur samkvæmt Reglubók FIA, grein 13.

10.5 Keppendum og ökumönnum er sérstaklega bent á að þekkja og virða siðareglur AKÍS fyrir samfélagsmiðla.

GREIN 11 ÚRSLIT

11.1 Úrslit ákvarðast samkvæmt keppnisgreinarreglum AKÍS um rallý.

11.2 Engin forgjöf er veitt keppendum í þessari keppni.

11.3 Bráðabirgðaúrslit verða birt á upplýsingatöflu keppninnar samkvæmt tímaáætlun.

11.4 Lokaúrslit eru birt á upplýsingatöflu keppninnar þegar dómnefnd hefur lokið störfum.

GREIN 12 VERÐLAUN

12.1 Verðlaun verða veitt fyrir 1., 2. og 3. sæti yfir heildina.

12.2 Flokkaverðlaun verða tilgreind á upplýsingatöflu keppninnar þegar skráningarfresti lýkur.

GREIN 13 EMBÆTTISMENN OG STARFSMENN

GREIN 13.1 DÓMNEFND

13.1.1 Dómnefnd skipa Tryggvi M.Þórðarson, sem jafnframt er formaður hennar, Sigurður Arnar Pálsson og Guðmundur Örn Þorsteinsson

GREIN 13.2 HELSTU STARFSMENN

13.2.1 keppnisstjóri er Linda Dögg Jóahnnsdóttir.

13.2.2 Skoðunarmaður er Ari Halldór Hjaltason.

13.2.3 Öryggisfulltrúi er Ari Halldór Hjaltason

13.2.4 Sjúkrafulltrúi er

GREIN 13.3 STAÐREYNDADÓMARAR

13.3.1 Nöfn og staða staðreyndadómara verða birt á upplýsingatöflu keppninnar.

GREIN 14 KÖNNUN SÉRLEIÐA

Ótakmarkað en senda þarf upplýsingar um skráningarnr,bíltegund og lit sem og hvaða dags ökumenn ætla sér að leiðarskoða.

GREIN 15 VIÐGERÐIR

Samkvæmt grein 3.6.4 í rallýreglum er keppnishaldara heimilt að setja takmarkanir á hvar og hvenær gera má við ökutæki í keppni. Hvar má gera við kemur fram á timamaster keppninnar.

GREIN 16 HINDRANIR / ÞRENGINGAR

Samkvæmt grein 3.8.23 í rallýreglum er keppnishaldara heimilt að koma upp hindrunum / þrengingum á sérleiðum. Og verður staðsetning þeirra birt í upplysingartöflu keppninnar.

GREIN 16 flutningur

Heimilt er að flytja keppnisbíla á kerrum á eftirfarandi leiðum:

• Frá næturhléi á laugardagsmorgni að Berserkjahrauni.
• Frá parq fermé á laugardagskvöldi í næturgeymslu.
• Frá næturgeymslu að Skógshrauni.

GREIN 17 OFURLEIÐ

SS 14 Djúpavatn Norður B er ofurleið

GREIN 18 AUGLÝSINGAR 

Samkvæmt grein 7.3.1 í rallýreglum er keppnishaldara heimilt að selja auglýsingar á keppnisbíla. Hyggist hann gera það skal geta um það á uplýsingatöflu.